--------------------------------------------------------------------------------
بعد مانتهت حالة الطوارئ في كل البيوت بسبب الامتحانات والنتيجة ,جت حالة طوارئ جديدة بس لذيذة ومحببة لينا كلنا وبنستناها من السنة للسنة ...طوارئ الاستعداد للمصيف.
والمشكلة اللى بتعكنن علينا كلنا هى تجهيزات المصيف,كلنا بنفكر هناخد ايه ونسيب ايه ؟؟؟
تعالى معايا وهقولك ناخد ايه عشان هطلع معاكى
تجهيزات ما قبل المصيف
اكيد كلنا بنخاف من تجهيزات المصيف عشان بتاخد مننا وقت وجهد كبير ده غير اننا ساعات بننسى حاجات وبناخد حاجات كتير ملهاش لزمة وبتاخد مكان فى الشنطة.. غير ان الكل في البيت بيبقى عصبي ومتوتر والبيت كله واقف على رجل كان في معركة حربية..الكل على اعصابه خايف ينسى حاجة.
وعلشان كل الحاجات دى متحصلش هقولك ازاي تحضري شنطتك فى هدوء كامل ومن غير ماحد يحس....
يلا نشوف الخطوات...
اولا :هاتى ورقة وقلم..
قبل ميعاد المصيف باسبوع هاتى ورقة وقلم وكوباية نسكافيه كبيييرة واكتبي اللى انتى محتاجاه للمصيف,وخدى بالك وانتى بتكتبى انك تقسمى الورقة قسمين ..
قسم الاحتياجات الاساسية للمنزل:ودى حاجات اساسية لازم تخديها لان مفيش بيت يقدر يستغنى عنهاوهى(مقص_مشط_ابرة_خيط_اسعافات اولية زى شاش_ قطن_والحاجات التانية انا هقولك كل حاجة _وفوط كبيرة_وفوط صغيرة_ملايات سرير _كوفرتة _ليفة_فرشاة اسنان_ومعجون اسنان).
قسم الاحتياجات الشخصية:ودة تكتبى فيه كل الحاجات اللى انتى محتجاها في المصيف,مش عايزة تفكرى هقولك(صن بلوك_كريم ملطف_كريم مرطب_كريم وزيت شعر_شامبو_بلسم_شنطة مكياجك العادية_زبدة كاكاو_بونيه_كاب_مراية صغيرة_مزيل للعرق _نضارة شمس).
ثانيا:جهزى الملابس المناسبة :
خدى بالك وانتى بتجهزى شنطتك انك ماتخديش حاجات كتير ركزى بس على الحاجات اللى انتى محتجاها فعلا فى الكام يوم اللى انتى قعداهم,بتقولى زى ايه؟ انتى متعرفيش تعملى حاجة لوحدك ابدا خلاص هقولك بصى بقى:
1_هدوم خروج:
ودى بتكون عبارة عن جوب بلوزة وبنطلون للفسح بالليل وخدى بالك خدى هدوم الوانها فاتحة عشان تحسي بجمال الصيف والمصيف.
2_هدوم البلاج:
ودى هتبقى تى شيرت وبنطلون او جوب وبنطلون عشان تعدى بيهم على البلاج وخدى بالك لازم تكون هدوم البلاج الوانها فاتحة عشان زى مانتى عارفة الالوان الغامقة بتمتص اشعة الشمس والافضل انها تكون هدوم طن او كتان او ميكس من الاتنين عشان تمتص العرق.
3_هدوم النوم :
حاولى ماتكتريش منها لان عادة محدش بينام فى المصيفالا كام ساعة على بعض وتانى خدى بالك انك تجيبى هدوم قطن وياريت تكون فيها حاجة بكم عشان الجو ساعات بيكون برد شوية(قلب الام بقى).
4_احذية المصيف:
خدى بالك انها تبقى خفيفة ومريحة وعملية عشان تريحك سواء على البلاج او لما تخرجى.
5_شنطة البلاج:
خدى شنطة بلاج تكون كبيرة عشان تخدى كل اللى انتى عيزاه على البلاج زي الساندويتشات_فوطة كبيرة_كريم واقى _وبونيه عشان لو هتنزلي البحر.
ثالثا:افحصي كل حاجة موجودة:
بعد كدة افحصي كل حاجة اذا كانت موجودة عندك في البيت ولا لا عشان لو موجودة ابداي حطيها ولولا يبقى عندك وقت تنزلى تشتريها.
رابعا:جهزى السندويتشات:
ياريت ليلة المصيف تجهزى السندويتشات اللى انتى هتخديها معاكى تانى يوم وانتى مسافرة او ممكن تعملى وجبة كاملة عشان اول ماتوصلي بالسلامة تسخنىها وتكلى على طول عشان ماتطريش تشتري حاجة من برة.
بيتهيالى كدة تكونى جهزتى كل حاجة للمصيف..
دلوقتى بقى هقولك ازاى تحافظى على جمالك فى المصيف.
وانتى في المصيف:
عشان جمالك مهم في كل وقت وفى كل مكان هقولك شوية نصائح عشان تحافظى على جمالك وبشرتك وانتى في المصيف.
اول نصيحة:بلاش نزول البحر
من غير ضرب وبراحة مش قصدى ماتنزليش خالص قصدى ماتنزليش في الوقت من 11_5 لان الشمس في الوقت دة بتكون مضرة وكدة هتاذى بشرتك.
هتقولي طب انزل واحط واقى ,هقولك برضه لا ,ياريت تنزلى فى الفترةمن6_10 الصبح او بعد العصر لان الجو فى الوقت ده بيبقى حلو والشمس مش مضرة ,وكمان مش هيبقى فى ناس كتير فهتستمتعى بالبحر جدا وبراحتك ,وبكدة تبقى ضربتى عصفورين بحجر واحد ,حافظتى على بشرتك واستمتعتى بالبحر.
النصيحة التانية استخدمى صن بلوك:
النصيحة دى دايما بنقولها سواء كنتى فى مصيف او لا ادهنى جسمك بواقى من الشمس عشان ماتتعرضيش لاشعة الشمس المباشرة المضرة.طبعا هتقولي طب لو قاعدة تحت الشمسية او في البلكونة استخدمه برضه؟هقولك اسالتك كترت بس اه استخدميه,ودة عشان الميه والرمل بيعكسوا اشعة الشمس فبكدة بتكونى محتجة لصن بلوك سواء كنتى تحت الشمسية او فى البلكونة.
النصيحة الثالثة:لا للمكياج على الشاطئ:
فيه بنات كتير بتقول ان المكياج بيسيح منهم على البحر وكل حاجة بتتبهدل,وعلاج ده انك متحطيش مكياج على البلاج لانك مهما عملتى الرطوبة وجو المصيف هيخليه يسيح,وفرصة بقى بشرتك تستريح من المكياج وتتنفس كمان الكام يوم بتوع المصيف,واستبدلى مكياجك بزبدة كاكاو ومرطب للشفاه ومرطب للبشرة تستخدميه بالليل قبل ماتنامى.
النصيحة الرابعة:لا لكريمات التفتيح:
اوعى تسمعى كلام حد يقولك انك عشان تحافظى على بشرتك في المصيف انك تستخدمى كريمات تفتيح علي البلاج,لان ببساطة شديدة كل كريمات التفتيح دى مضرة جدا جدا للبشرة ,وده لانها بتحتوى على المواد اللى بتتفاعل مع الشمس واللى ممكن لا قدر الله تصيبك بسرطان الجلد.
النصيحة الخامسة:لا للسيشوار فى المصيف:
ايه رايك زى ماهتريحى بشرتك ريحى شعرك كمان من السيشوار,هتقوليلى ازاى؟انا لازم استخدم السيشوار عشان افرد شعري,هقولك:انك حتى لو استخدمتى السيشوار فده مش هيجيب نتيجة لان الجو في المصيف من رطوبة وتراب وكده هتبوظ الشعر اكيد وكمان كدة هتزودى تقصفه.
فلو عايزة تفردى شعرك كل يوم بعد ماتغسلي شعرك بالشامبو والبلسم المناسبين نشفيه بالفوطة كويس وادهنيه بكريم ولفيه طاقيه لمدة ساعة .
النصيحة السادسة :استخدمى الشامبو والبلسم:
عشان تحافظى على شعرك من الجفاف والتقصف اللى ممكن تتعرضى ليهم من الرطوبة وكل جو المصيف ,يبقى لازم تستخدمى الشامبو والبلسم المناسبين لشعرك فى كل مرة تغسليه .
النصيحة السابعة:حافظى على نظافة البلاج:
آآآآآخر نصيحة بقولهالك حافظى على نظافة البلاج,وبلاش ترمى كل حاجة وتقولى هم هيشيلوها لان مسؤلية جمال ونظافة البلاج مسؤلة منك انتى مش من حد تانى,عشان كدة خلى معاكى كيس بلاستيك ترمى فيه كل اللى انتى مش عوزاه واخر اليوم في اقرب سلة زبالة ارميه واعتقد طبعا ان كلكم موافقنى ان ده احسن من انك تشوهى جمال البلاج.
وبكدة اكون خلصت ومصيف سعيد ان شاء الله يالا الكل يستعد معايا ولمل ترجعوا بالسلامة احكولي عملته ايه..سلام
بعد مانتهت حالة الطوارئ في كل البيوت بسبب الامتحانات والنتيجة ,جت حالة طوارئ جديدة بس لذيذة ومحببة لينا كلنا وبنستناها من السنة للسنة ...طوارئ الاستعداد للمصيف.
والمشكلة اللى بتعكنن علينا كلنا هى تجهيزات المصيف,كلنا بنفكر هناخد ايه ونسيب ايه ؟؟؟
تعالى معايا وهقولك ناخد ايه عشان هطلع معاكى
تجهيزات ما قبل المصيف
اكيد كلنا بنخاف من تجهيزات المصيف عشان بتاخد مننا وقت وجهد كبير ده غير اننا ساعات بننسى حاجات وبناخد حاجات كتير ملهاش لزمة وبتاخد مكان فى الشنطة.. غير ان الكل في البيت بيبقى عصبي ومتوتر والبيت كله واقف على رجل كان في معركة حربية..الكل على اعصابه خايف ينسى حاجة.
وعلشان كل الحاجات دى متحصلش هقولك ازاي تحضري شنطتك فى هدوء كامل ومن غير ماحد يحس....
يلا نشوف الخطوات...
اولا :هاتى ورقة وقلم..
قبل ميعاد المصيف باسبوع هاتى ورقة وقلم وكوباية نسكافيه كبيييرة واكتبي اللى انتى محتاجاه للمصيف,وخدى بالك وانتى بتكتبى انك تقسمى الورقة قسمين ..
قسم الاحتياجات الاساسية للمنزل:ودى حاجات اساسية لازم تخديها لان مفيش بيت يقدر يستغنى عنهاوهى(مقص_مشط_ابرة_خيط_اسعافات اولية زى شاش_ قطن_والحاجات التانية انا هقولك كل حاجة _وفوط كبيرة_وفوط صغيرة_ملايات سرير _كوفرتة _ليفة_فرشاة اسنان_ومعجون اسنان).
قسم الاحتياجات الشخصية:ودة تكتبى فيه كل الحاجات اللى انتى محتجاها في المصيف,مش عايزة تفكرى هقولك(صن بلوك_كريم ملطف_كريم مرطب_كريم وزيت شعر_شامبو_بلسم_شنطة مكياجك العادية_زبدة كاكاو_بونيه_كاب_مراية صغيرة_مزيل للعرق _نضارة شمس).
ثانيا:جهزى الملابس المناسبة :
خدى بالك وانتى بتجهزى شنطتك انك ماتخديش حاجات كتير ركزى بس على الحاجات اللى انتى محتجاها فعلا فى الكام يوم اللى انتى قعداهم,بتقولى زى ايه؟ انتى متعرفيش تعملى حاجة لوحدك ابدا خلاص هقولك بصى بقى:
1_هدوم خروج:
ودى بتكون عبارة عن جوب بلوزة وبنطلون للفسح بالليل وخدى بالك خدى هدوم الوانها فاتحة عشان تحسي بجمال الصيف والمصيف.
2_هدوم البلاج:
ودى هتبقى تى شيرت وبنطلون او جوب وبنطلون عشان تعدى بيهم على البلاج وخدى بالك لازم تكون هدوم البلاج الوانها فاتحة عشان زى مانتى عارفة الالوان الغامقة بتمتص اشعة الشمس والافضل انها تكون هدوم طن او كتان او ميكس من الاتنين عشان تمتص العرق.
3_هدوم النوم :
حاولى ماتكتريش منها لان عادة محدش بينام فى المصيفالا كام ساعة على بعض وتانى خدى بالك انك تجيبى هدوم قطن وياريت تكون فيها حاجة بكم عشان الجو ساعات بيكون برد شوية(قلب الام بقى).
4_احذية المصيف:
خدى بالك انها تبقى خفيفة ومريحة وعملية عشان تريحك سواء على البلاج او لما تخرجى.
5_شنطة البلاج:
خدى شنطة بلاج تكون كبيرة عشان تخدى كل اللى انتى عيزاه على البلاج زي الساندويتشات_فوطة كبيرة_كريم واقى _وبونيه عشان لو هتنزلي البحر.
ثالثا:افحصي كل حاجة موجودة:
بعد كدة افحصي كل حاجة اذا كانت موجودة عندك في البيت ولا لا عشان لو موجودة ابداي حطيها ولولا يبقى عندك وقت تنزلى تشتريها.
رابعا:جهزى السندويتشات:
ياريت ليلة المصيف تجهزى السندويتشات اللى انتى هتخديها معاكى تانى يوم وانتى مسافرة او ممكن تعملى وجبة كاملة عشان اول ماتوصلي بالسلامة تسخنىها وتكلى على طول عشان ماتطريش تشتري حاجة من برة.
بيتهيالى كدة تكونى جهزتى كل حاجة للمصيف..
دلوقتى بقى هقولك ازاى تحافظى على جمالك فى المصيف.
وانتى في المصيف:
عشان جمالك مهم في كل وقت وفى كل مكان هقولك شوية نصائح عشان تحافظى على جمالك وبشرتك وانتى في المصيف.
اول نصيحة:بلاش نزول البحر
من غير ضرب وبراحة مش قصدى ماتنزليش خالص قصدى ماتنزليش في الوقت من 11_5 لان الشمس في الوقت دة بتكون مضرة وكدة هتاذى بشرتك.
هتقولي طب انزل واحط واقى ,هقولك برضه لا ,ياريت تنزلى فى الفترةمن6_10 الصبح او بعد العصر لان الجو فى الوقت ده بيبقى حلو والشمس مش مضرة ,وكمان مش هيبقى فى ناس كتير فهتستمتعى بالبحر جدا وبراحتك ,وبكدة تبقى ضربتى عصفورين بحجر واحد ,حافظتى على بشرتك واستمتعتى بالبحر.
النصيحة التانية استخدمى صن بلوك:
النصيحة دى دايما بنقولها سواء كنتى فى مصيف او لا ادهنى جسمك بواقى من الشمس عشان ماتتعرضيش لاشعة الشمس المباشرة المضرة.طبعا هتقولي طب لو قاعدة تحت الشمسية او في البلكونة استخدمه برضه؟هقولك اسالتك كترت بس اه استخدميه,ودة عشان الميه والرمل بيعكسوا اشعة الشمس فبكدة بتكونى محتجة لصن بلوك سواء كنتى تحت الشمسية او فى البلكونة.
النصيحة الثالثة:لا للمكياج على الشاطئ:
فيه بنات كتير بتقول ان المكياج بيسيح منهم على البحر وكل حاجة بتتبهدل,وعلاج ده انك متحطيش مكياج على البلاج لانك مهما عملتى الرطوبة وجو المصيف هيخليه يسيح,وفرصة بقى بشرتك تستريح من المكياج وتتنفس كمان الكام يوم بتوع المصيف,واستبدلى مكياجك بزبدة كاكاو ومرطب للشفاه ومرطب للبشرة تستخدميه بالليل قبل ماتنامى.
النصيحة الرابعة:لا لكريمات التفتيح:
اوعى تسمعى كلام حد يقولك انك عشان تحافظى على بشرتك في المصيف انك تستخدمى كريمات تفتيح علي البلاج,لان ببساطة شديدة كل كريمات التفتيح دى مضرة جدا جدا للبشرة ,وده لانها بتحتوى على المواد اللى بتتفاعل مع الشمس واللى ممكن لا قدر الله تصيبك بسرطان الجلد.
النصيحة الخامسة:لا للسيشوار فى المصيف:
ايه رايك زى ماهتريحى بشرتك ريحى شعرك كمان من السيشوار,هتقوليلى ازاى؟انا لازم استخدم السيشوار عشان افرد شعري,هقولك:انك حتى لو استخدمتى السيشوار فده مش هيجيب نتيجة لان الجو في المصيف من رطوبة وتراب وكده هتبوظ الشعر اكيد وكمان كدة هتزودى تقصفه.
فلو عايزة تفردى شعرك كل يوم بعد ماتغسلي شعرك بالشامبو والبلسم المناسبين نشفيه بالفوطة كويس وادهنيه بكريم ولفيه طاقيه لمدة ساعة .
النصيحة السادسة :استخدمى الشامبو والبلسم:
عشان تحافظى على شعرك من الجفاف والتقصف اللى ممكن تتعرضى ليهم من الرطوبة وكل جو المصيف ,يبقى لازم تستخدمى الشامبو والبلسم المناسبين لشعرك فى كل مرة تغسليه .
النصيحة السابعة:حافظى على نظافة البلاج:
آآآآآخر نصيحة بقولهالك حافظى على نظافة البلاج,وبلاش ترمى كل حاجة وتقولى هم هيشيلوها لان مسؤلية جمال ونظافة البلاج مسؤلة منك انتى مش من حد تانى,عشان كدة خلى معاكى كيس بلاستيك ترمى فيه كل اللى انتى مش عوزاه واخر اليوم في اقرب سلة زبالة ارميه واعتقد طبعا ان كلكم موافقنى ان ده احسن من انك تشوهى جمال البلاج.
وبكدة اكون خلصت ومصيف سعيد ان شاء الله يالا الكل يستعد معايا ولمل ترجعوا بالسلامة احكولي عملته ايه..سلام